Освојувачот на Лига Европа, Аталанта е непријатно изненаден откако нивниот напаѓач Адемола Лукман побара да биде изоставен од тимот за денешниот дуел со Лече од првото коло во Серија А, пишуваат медиумите во Италија.
Причината за потегот на нигерискиот интернационалец е тоа што тој се надева дека ќе се пресели во францускиот шампион Пари Сен Жермен. Тимот од „Паркот на принцовите“ се уште не ја претставил својата понуда, но се очекува тоа да се случи наскоро.
Одбивањето на играчот да игра за Аталанта е дополнителен удар за амбициите на клубот, откако уште една ѕвезда, Копмајнерс, исто така не е во тимот за претстојниот натпревар бидејќи инсистира да биде продаден на Јувентус.

