Поранешниот селектор на Англија, Свен-Горан Ериксон, почина на 76-годишна возраст. Во јануари, Ериксон пријави терминален карцином на панкреасот.
„Почина Свен-Горан Ериксон. По долго боледување, Свен-Горан почина утрото дома, опкружен со семејството. Ерик со сопругата Јумнонг. Семејството бара да ги почитувате нивните желби да тагувате приватно и да не контактирате со нив“, се вели во изјавата на поранешниот тренер на неговата веб-страница.
Свен-Горан Ериксон помина голем дел од својата кариера работејќи со национални тимови вклучувајќи ги Англија, Мексико, Брегот на Слоновата Коска и Филипините. Ериксон беше тренер и на голем број европски клубови, меѓу кои Рома, Бенфика, Фиорентина, а работеше и во Кина. Во Англија, покрај репрезентацијата, Ериксон беше тренер на Манчестер Сити и Лестер Сити, а работеше и како спортски директор на Нотс Каунти.

