Македонската фудбалска репрезентација одигра одличен натпревар на гостувањето во Рига и ја совлада летонија со 3:0, а со тоа остана на првото место во групата на Лига Ц на Лигата на нации. Нашите репрезентативци во Рига ја совладаа незгодната Летонија со 0-3 (0-1) и со поголема самодоверба патуваат во ереван кај Ерменија.
По само четири минути игра Македонија ја имаше првата шанса и тоа на најнеобичен начин. Димитриевски дегажираше, топката со помош на ветрот заврши пред противничкиот казнен простор, незгодно отскокна и за малку можеше да го измами голманот Матревикс, кој со врвот на прстите ја исфрли во корнер.
На првиот гол се чекаше до 35.минута кога Јани Атанасов доби топка од Миовски кој одлично беше проигран од Елмас, за Атанасов да и донесе предност на македонија од 1:0.
Вториот дел започна со закана на Миовски и блок на летонската одбрана. Во 55. минута Милевски изврши двојна замена и наместо Ашковски и Муслиу ги внесе Димовски и Костадинов. На средина од второто полувреме нашиот стручен штаб ги замени Давид Бабунски и Езџан Алиоски и им даде шанса на Милан Ристовски и Лирим Ќамили кој успеа да се запише во листат на стрелци по една долга топка упатена до Милан Ристовски, а тој ја збуни домашната одбрана, топката дојде до Ќамили кој и донесе предност на македонија од 2:0.
Во судиското надополнување, Барди одлично се проби до шеснаесетникот на противникот, но беше обколен од тројца противнички играчи, топката се одби и дојде до Елмас кој со прекрасен удар го постигна третиот гол за Македнија и победа од 3:0 на гостувањето во Рига против Летонија.
Нашата селекција в недела гостува кај Ерменија во Еревен во можеби одлучувачкиот натпревар за првото место во групата.

