Ситуацијата со Френки де Јонг во Барселона е се покомплицирана. Холанѓанецот сепак одбива да потпише нов договор со клубот, а се чини дека трпението на управата на „каталонците“ е при крај.
Според весникот „Спорт“, раководството на Барселона било подготвено со конкретна понуда до Де Јонг уште пред неколку месеци. Недостатокот на одговор од играчот ја натера управата на клубот да ја повлече понудата.
Се тврди дека доколку двете страни се договорат повторно да разговараат, преговорите ќе започнат од нула и од Барселона ќе се бара сериозно намалување на неговата годишна плата.
Сепак, голема е веројатноста дека Де Јонг ќе биде ставен на трансфер листата за играчи кои заминуваат следното лето, а неговата цена ќе биде нешто повеќе од 20 милиони. евра.

