Мануел Нојер и Баерн Минхен се договориле да го продолжат договорот со ветеранот до јуни 2026 година, објави новинарот на Скај Германија, Флоријан Плетенберг. Според информацијата останува само официјално да се потпише договорот, по што ќе биде објавено од клубот, тврди и Плетенберг.
38-годишниот ветеран, кој ги пропушти последните неколку натпревари за Баварците поради повреда, останува решен да продолжи и е многу мотивиран да се врати по повредата на реброто. Ова се очекува да биде во новата година.
Од почетокот на сезоната славниот Мануел Нојер одигра 19 натпревари на кои 12 ја зачува мрежата, но почна и да признава се повеќе непрецизности. Сè уште е свеж сеќавањето на неговата грешка минатата сезона на реваншот против Реал Мадрид во Лигата на шампионите за првиот гол на Хоселу во израмнувањето на Шпанците.
Многу се разговараше и за настапите на голманот во поразите од Астон Вила и Барселона. Нојер неодамна го доби и првиот црвен картон во кариерата на натпреварот од Купот на Германија против Баер Леверкузен, а гигантот од Минхен потоа беше елиминиран од турнирот.
Во исто време, Баерн продолжува да размислува за иднината на голманската позиција. Во клубот се уште не се убедени дека Александар Нубел, кој е позајмен во Штутгарт, а е во сопственост на Баварците, е соодветен наследник на Нојер. Според Кикер, шефовите на Баерн размислуваат да ангажираат нов млад голман во текот на летото, кој ќе учи од Нојер една сезона и ќе се развива покрај него. Се споменува и името на младиот 21-годишен голман на Келн, Јонас Урбиг.

