Тренерот на Милан, Серџо Консеисао верува дека Рафаел Леао може да достигне уште повисоко ниво доколку ја напушти својата комфорна зона. Португалското крило беше меѓу резервите во победата од 3-1 над Рома во Купот на Италија оваа недела, влегувајќи во последните 20 минути од четвртфиналната пресметка.
„Со играчите кои пристигнаа во јануари, можеме подобро да работиме за да одиме онака како што јас сакам и да играме со двајца во нападот. Леао може многу повеќе, многу повеќе. Треба да сфати дека е важно да ја имаш топката во нозете, но важно е и кога ја немаш“, прокоментира тренерот на Милан за Португалецот пред денешното гостување кај Емполи.

