Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Домашен микс»Спортско радио 90.3 фм – Две децении на страната на спортот“
    Домашен микс

    Спортско радио 90.3 фм – Две децении на страната на спортот“

    risteBy riste22/02/2025No Comments2 Mins Read
    Facebook Twitter Pinterest LinkedIn Tumblr Email

    Од почетоците, од оној 22 февруари 2005 година, па се до овој 22 февруари оваа 2025 година, низ нашата програма минаа нешто повеќе од 175.000 часови радио програма. Од нив, според програмската шема со која Спортското радио го започна своето работење на фреквенцијата 90.3 фм, а која со низа промени е задржана барем во временската рамка на 15 часовна спортска програма реализирана во живо, излегува дека досега екипата на овој единствен специјализиран аудио-визуелен спортски медиум на територијата на Македонија, реализирала 110.000 часови спортска програма во живо!

    Во овие илијадници часови отворена спортска програма влегуваат бројни продуцирани програми за младите во спортот, за спортските клубови, за помалите спортови на кои се уште им е потребна медиумска афирмација, за талентите, за училишниот спорт, за најголемите успеси на македонските спортисти, клубови и репрезентации, за најголемите спортски манифестации… Тука се и илјадници преноси, јавувања во живо од најважните настани поврзани со нашиот спорт, интервјуа, гостувања во студио, разговори, учества на спортски манифестации, улога на официјални спикери на нашите сениорски спортски репрезентации… и сето тоа зачинето со најдобрата музика во етерот!

    Овие 20 години на оваа фреквенција, за оваа мала, но одбрана екипа спортски ентузијасти, вљубеници во спортот и радиото се јубилеј достоен за почит. Ние и денеска се чувствуваме ентузијастички како и првиот ден кога проговоривме во етерот од 90.3 фм. И денеска со иста жар го сакаме и почитуваме спортот. Известуваме за сите спортски случувања во светот, но посебно си го почитуваме овој нашиот – македонскиот. Оваа фреквенција и денеска и утре е простор каде ќе може да се чуе гласот на некои сегашни, поранешни и идни македонски спортски херои. Сите кои биле, се и ќе бидат наши гости, соработници и мотиватори за нови работни успеси.

    Две децении со спортот и спортистите, затоа што Спортското радио 90.3 фм ја одбра страната на спортот!

    Среќен роденден, за многу години, спортски.!

    Share. Facebook Twitter Pinterest LinkedIn Tumblr Email

    Related Posts

    Македонија се запиша во историјата на Младинските олимписки игри Дакар 2026

    16/11/2026

    Ален и Адријан Рустемовски од утре ги започнуваат натпреварите на ЕП ви бокс У-23

    16/11/2026

    Украинецот Захариев е освојувач на 55. „Златен Гонг“

    15/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.