Навивачите на Манчестер Сити на социјалните мрежи се жалат поради тоа што судијата Џаред Џилет е именуван за судија на дуелот против Тотенхем вечерва, ако се знае дека станува збор за судија кој на неколкупати го оштетуваше тимот на Гвардиола оваа сезона. Џилет всушност испрати извинување до Сити по неговата лоша арбитража за време на ремито 2-2 со Брентфорд во средината на јануари, а истиот судија, исто така, му досуди контроверзен пенал на Њукасл против Сити на Сент Џејмс Парк претходно оваа сезона, за кој дури и Алан Ширер призна дека бил непостоечки.
Претходно беше објавено дека Џилет е навивач на Ливерпул и поради тоа му е забрането да ги суди средбите на „црвените“.
Греам Скот кој вечерва ќе биде во ВАР собата исто така е на листата на непожелни кај Пеп. Тој беше човекот кој беше ВАР судија на дуелот против Тотенхем на Етихад во 2019 година, кој поништи еден гол на Габриел Жезус за победа на Сити. Скот, исто така, го навлече гневот на Пеп Гвардиола и за време на дуелот со Нотингем Форест на Сити Граунд во 2023 година.

