Бекот на Реал Мадрид, Даниел Карвахал би можел да биде дисквалификуван поради навреда на судијата на финалето од Купот на Кралот помеѓу Реал Мадрид и Барселона (2:3 по продолжение), и покрај тоа што играчот не учествувал во натпреварот. Ова го пренесува „Sport.es“.
Според Дисциплинскиот кодекс на Кралската шпанска фудбалска федерација (РФЕФ), играч кој навредува или омаловажува судија, дури и додека е надвор од теренот, може да биде казнет со исклучување од повеќе натпревари.
Претходно медиумите објавија дека дефанзивецот на Реал Мадрид би можел да биде суспендиран од фудбалот на четири натпревари поради пресметката со крилниот напаѓач на Арсенал, Букајо Сака за време на паузата на дуелот на двата тима во четвртфиналето на Лигата на шампионите (1:2).

