Големото хрватско дерби меѓу Хајдук и Динамо секогаш е натпревар со висок ризик и се преземаат посебни мерки од страна на властите и лицата задолжени за безбедност, а полицијата има полни раце работа уште пред стартот на мечот кој е закажан во 16:00 часот.
Стадионот „Пољуд“ ќе ги отвори вратите за двата лути хрватски ривали, но пред да дојде ред за главните актери од двата тима, навивачките групи направиле една жестока најава за тоа што следи.
Хулиганите од редовите на „Торцида“ и „Бед Блу Бојс“ рано утрово организирале договорена тепачка и режирале хаос во областа Пујанка во Сплит, при што била побарана итна реакција и од хрватските специјалци.
Како што јавуваат добро упатените хрватските медиуми, навивачите на двата клуба се договориле за тепачка „200 на 200“, но полицијата успеала да уапси добар дел од фановите пред да дојде, па на тепачката има помалку членови од двете навивачки групи.
Медиумот „Далмалција Данас“ објави ексклузивно видео од местото на настанот, па од истото навистина лесно е да се заклучи дека станува збор за договорена пресметка.

