Некои од тенисерите на АТП и ВТА натпреварите потпишаа писмо со кое бараат поголем награден фонд на Грен Слем турнирите. Писмото беше доставено пред нивната средба со претставниците на Грен слем турнирите во Париз.
Средбата е закажана за денес за време на Ролан Гарос, објави „Тајмс“. На истата ќе се појават дел од играчите кои се потпишаа на писмо во март со кое бараат зголемување на наградниот фонд. Тоа се тенисери кои во тоа време беа меѓу првите 10 на двете ранг листи.
За потсетување, играчите исто така сакаат Грен слем турнирите да придонесуваат во програмите за социјално осигурување финансирани од АТП и ВТА и да им дадат на тенисерите право на глас во одлуките во врска со распоредот и промените на правилата.

