Во Манчестер Јунајтед засилено почнаа да го подготвуваат ростерот за следната сезона. На „Олд Трафорд“ се очекуваат големи засилувања, но ништо не може да се направи додека клубот не продаде неколку првотимци, а наводно Ерик тен Хаг ставил дури 13 фудбалери на трансфер листата и дал зелено светло за нивна продажба.
Англиските медиуми пишуваат дека „црвените ѓаволи“ мора да инкасираат околу 150 милиони евра од продажбата на играчи ова лето за да имаат можност да доведат нови засилувања. Дони ван де Бек, Фред, Ентони Еланга, Ханибал Мејбри, Алекс Телес, Ерик Бејли, Брендон Вилијамс и Зидан Игбал веќе се на трансфер листата. Покрај нив, клубот ќе ги разгледа и вистинските понуди за Хари Мегваер, Скот Мектоминај и Дин Хендерсон.