Со затворањето на листата на учесници, дефинирани се сите елементи за почеток на уште еден голем џудо настан во Скопје, Европскиот куп за сениори – Скопје 2026, што ќе се одржи на 19 и 20 септември.
Натпреварите ќе бидат во салата „Јане Сандански“ од 9 до 19 часот а влезот е бесплатен. Свеченото отворање в сабота ќе биде во 16 часот.
-Како резултат на досегашните високи оценки за нашата организација ја добивме привилегијата да го организираме и овој куп кој ќе биде најмасовен досега во рамките на ова натпреварување во било која европска земја. Да потсетам уште еднаш дека своето доаѓање го најавија најдобрите европски и светски џудисти, бидејќи резултатите ќе се бодуваат и за Олимписките игри“ – вели претседателот на Џудо федерацијата на Македонија, Владимир Трпановски.

