Селекторот на нашите најдобри ракометари, Кире Лазаров, на денешната кратка средба со новинарите се осврна на досегашниот настап на Евроспкото првенство во групата во Унгарија. Ние со двата пораза (Словенија и Црна Гора) ги загубивме шансите з аплсман во втората рунда.
„Поразот боли, но сакам да истакнам дека не е иста оваа репрезентација без Лазаров, Маркоски, Митрески, Ојлески, Стоилов, Манасков, без невакцинираните. Планот беше да дојдеме комплетни и да им се спротиставиме на сите. Не е ова алиби, туку реална ситуација. Загубивме два натпревари, првиот гордо, со многу жар и борба. Можеби тоа не наведе да помислиме дека можеме лесно да ја победиме Црна Гора. Но, ние ги мотивиравме Црногорците. Тие имаат одлични индивидуалци, споредувајќи во кои клубови играат нивните и нашите ракометари тие се во предност“ – вели Лазаров.
„Оптимист сум и прифаќам критика. Почнуваме од нула, но за кратко ќе разговараме кој грешел и зошто грешел. Верувам во репрезентацијата, можеби јас повеќе од ракометарите. Им недостига тој победнички менталит, велат се раѓа спортист со таков менталитет. Но, може да им се вгради тој менталитет“ – потенцираше нашиот селектор.