Македонскиот кошаркарски шампион МЗТ Скопје А. вечерва во салата „Јане Сандански“ ќе го одигра и четвртиот меч од новата сезона во регионалната АБА 2 лига. По две победи и еден пораз, „штрковите“ се надеваат на трет успех против екипата на Јахорина.
„Пред нас е натпревар во кој мораме да одиграме најдобро што знаеме и да дојдеме до значајна победа, со која ќе останеме во горниот дел од табелата. Јахорина можеби е дебитант во АБА2, но е екипа за почит, со состав кој никако не смее да биде потценет. Двете досегашни победи го потврдуваат тоа. Но, сигурен сум дека квалитетот и искуството се на наша страна, а предност ни е и настапот на домашен терен, каде што очекувам да имаме голема поддршка од трибините“, вели тренерот на МЗТ Скопје, Васко Атанасов.
Средбата вечерва започнува во 20.45 часот.

