Хрватската ракометна репрезентација го освои бронзениот медал на Европското првенство. Во натпреварот за третото место „коцкестите“ го победи Исланд со 34:33 откако на паузата заминаа со водство од 17:14.
Балканците имаа предност во еден период и од шест голови но, упорните Исланѓани не се предадоа и направија драматичен финиш. Во бронзениот состав се издвои Тин Лучин со девет голови додека кај „рибарите“ се наметна Инги Омар Магнусон со 12 голови од кои десет беа од линијата од седум метри.
Хрватите по среброто освоено на претходниот Мундијал сега се враќаат дома со бронза од Европскиот шампионат.

