Манчестер Јунајтед им изрече забрана за присуство на натпревари на четворица навивачи кои фрлаа тениски топчиња на теренот на „Олд Трафорд“, за време на дуелот со Рома (3:2) во Лигата на шампионите.
Инцидентот се случи на 3 ноември, околу 20-тата. минута, како дел од протестот против сопствениците на клубот, семејството Глејзер. Според „Атлетик“, најмалку еден од навивачите добил дури тригодишна забрана за влез на стадионот.
Од клубот ја оправдуваат одлуката со безбедносни причини и политиката на нулта толеранција кон фрлањето предмети на теренот. Поради протестот, натпреварот беше накратко прекинат, а играчите мораа да помогнат во отстранувањето на топчињата.

