Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Фудбал»Македонија против Кипар во борба за опстанок во Лига Б на Лигата на нации
    Фудбал

    Македонија против Кипар во борба за опстанок во Лига Б на Лигата на нации

    risteBy riste20/11/2026No Comments2 Mins Read
    Facebook Twitter Pinterest LinkedIn Tumblr Email

    Македонската фудбалска репрезентација го доби Кипар за противник во баражот за опстанок во Лига Б од Лигата на нации. На денешната ждрепка во седиштето на УЕФА во Нион беше одлучено избраниците на селекторот Гоце Седлоски да се соочат со кипарската селекција во двомечот кој ќе го одлучи статусот на двете репрезентации во следното издание на натпреварувањето.

    Првиот натпревар ќе се одигра на 25 март 2027 година на Кипар, додека реваншот е закажан за пет дена подоцна, на 30 март, кога Македонија ќе биде домаќин.

    Нашата репрезентација ја имаше улогата на носител во ждрепката, што ѝ овозможи реванш натпреварот да го игра пред домашната публика.

    БАРАЖ ЗА ОПСТАНОК ВО ЛИГА Б:
    Кипар – Македонија
    Естонија – Романија
    Фарски Острови – Грузија
    Белорусија – Израел

    Сите двојки ќе се играат во два натпревари, на 25 и 30 март 2027 година. Победниците ќе го задржат своето место во Лига Б за следното издание на Лигата на нациите, додека поразените ќе се преселат во Лига Ц.

    Историјата на меѓусебните пресметки на Македонија и Кипар досега бележи два натпревари, одиграни во квалификациите за Европското првенство во 1996 година. Нашата репрезентација има позитивен биланс, со една победа и едно реми.

    Првиот дуел се одигра на 17 декември 1994 година во Скопје, кога Македонија славеше убедлива победа од 3:0. Вториот натпревар беше одигран на 11 октомври 1995 година на Кипар и заврши без победник, 1:1. Така, во досегашните два меѓусебни дуела Македонија има една победа и едно реми, со гол-разлика 4:1.

    Мартовскиот бараж во 2027 година ќе биде ново поглавје во меѓусебната историја на двете селекции, а влогот ќе биде значително поголем – местото во вториот ранг на европскиот репрезентативен фудбал.

    Share. Facebook Twitter Pinterest LinkedIn Tumblr Email

    Related Posts

    Манчестер Јунајтед со строги казни за четворица навивачи

    20/11/2026

    Борусија Дортмунд со кадровски проблеми пред дербито со Менхенгладбах

    20/11/2026

    Валверде останува во Реал Мадрид до 2031 година, откупната клаузула ќе изнесува 1 милијарда евра

    20/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Капитенот на Работнички ќе плати 200.000 денари за удирање противнички играч
    • Берокал го избра составот за ноемврискиот ФИБА „прозорец“
    • Македонија против Кипар во борба за опстанок во Лига Б на Лигата на нации
    • Манчестер Јунајтед со строги казни за четворица навивачи
    • Борусија Дортмунд со кадровски проблеми пред дербито со Менхенгладбах
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.