Македонската хокеарска репрезентација го освои златниот медла на ИИХФ Девелопмент Куп во Германија каде во конкуренција на земјите кои немаат хокеј арена (Македонија, Португалија, Ирска и Андора) го освои првото место.
Во финалето нашата репрезентација убедливо ја совлада селекцијата на Португалија со 9:3. Македонија доминираше на целиот овој настан, и со своите настапи потврди дека е зрела за да добие и затворена хокеј арена за развој на овој спорт.
Македонија оствари 5 победи во 5 натпревари на ова неофицијално Светско првенство на земји без хокеј арена кое се одржа во градот Фусен – Германија.
Со овој резултат и со се она што досега направија овие момци од репрезентацијата заслужуваат државата конечно да најде начин и да ја изгради толку посакуваната хокеј арена.
Првиот човек на Македонската хокеј федерација, Никола Тасев веднаш по овој успех реагираше на својот фб профил со коментар за настапот и за тоа што и е потребно на Македонија, а тоа е хокеј арена.
НИ ТРЕБА ХОКЕЈ АРЕНА!!!
Светско првенство во хокеј за држави без хокеј арена или официјално IIHF Development Cup.
ГО ОСВОИВМЕ!!!
Со 5 победи во 5 натпревари. Докажавме дека хокејот не е мал и непросперитетен спорт во Македонија, напротив, има иднина ама нема услови.
Десет години се мачевме со претходната власт да се убедуваме дека хокеј арена е неопходна за развој на 5 зимски олимписки спортови. Не успеавме. Речиси две години од оваа влада исто така абер нема да се направи нешто на ова поле. Во ред е да имаме 5 монтажни лизгалишта низ цела држава, но сакаме ХОКЕЈ АРЕНА!!!
15 години се мачиме да го дигнеме хокејот, 15 години со сопствени средства го одржуваме овој спорт, 15 години чекаме на хокеј арена!
НИ ТРЕБА ХОКЕЈ АРЕНА под итно, НИ ТРЕБА ХОКЕЈ АРЕНА која не чини повеќе од еден лав или ограда на мост, САКАМЕ ХОКЕЈ АРЕНА која не чини повеќе од сумата исплатена на 3 компании блиски до Владата од Фондот за Иновации на жими мајка.
Кога гледам како на глупости се трошат народни пари ми доаѓа да врискам се погласно секој ден: САКАМЕ ХОКЕЈ АРЕНА!!!
Голема благодарност до хокејарите, до стручниот штаб, до пријателите на хокејот….овој успех е заеднички. Отидовме во Германија на првенство со броени пари, за пат, за спиење и по некој сендвич, се вративме златни со пехар, со покажување на пркос дека можеме да успееме и кога немаме услови и кога никој не верува во нас.
ХОКЕЈОТ ИМА ИДНИНА ВО МАКЕДОНИЈА – НИ ТРЕБА АРЕНА!!!