Женската сениорска ракометна репрезентација на Македонија ги доби противниците во квалификациите за пласман на Европското првенство, што кон крајот на следната година ќе се игра во Норвешка и Данска.
Селекцијата на Македонија предводена од Симе Симовски ќе играат против селекциите на Португалија, Чешка и „неизбежната“ Шведска. Групата не е премногу тешка, но не е ниту лесна, па веруваме дека сениорките ќе имаат шанса да се борат против Чешка за второто место во група, ако се знае дека Шведска е фаворит за прво, а Португалија е аутсајдер.
Квалификациите ќе стартуваат на 25 или 26 септември годинава, а финишираат на 31 мај следната година. Тукму поради ова селекторот Симовски ќе има време да ги подготви девојките за овие натпревари.

Група 1: квалификант, Австрија, Шпанија, Холандија
Група 2: Литванија, Италија, Унгарија, Црна Гора
Група 3: Косово, Белорусија, Словенија, Германија
Група 4: Швајцарија, Словачка, Србија, Русија
Група 5: Португалија, Македонија, Чешка, Шведска
Група 6: Исланд, Турција, Хрватска, Франција
Група 7: Фарски Острови, Украина, Полска, Романија

