Еден од најдобрите стрелци на натпревраот со Пик Сегед беше Игор Карачиќ кој ја игра последната сезона во „црвено-црниот“ дрес, а е играч со најголем стаж во екипата на Вардар, по натпреварот на прес-конференција го пренесе она што го чувствуваше по натпреварот одигран во Скопје.
„Би сакал да се заблагодарам на целиот клуб и на соиграчите, исто така и на Пик Сегед, затоа што сите беа спортски настроени кон Вардар, а не не гледаа со потценување иако знаат што не чека. Уште на претставувањето пред публиката почувствуваме малку притисок затоа шро ова беше последен меч пред нашата публика, сепак си ја сфативме работата сериозно. Не сум свесен уште од атмосферата и што се случува. Овој тим ќе остане запишан со златни букви во македонската историја. Наклон до под и за Парондо, кој имаше тешка задача да го наследи Раул, но тој направи одлична работа и атмосфера пред натпреварот, ни даде позитивна енергија. Сега за нас следи Сегед, не одиме таму со бело знаме и само да минеме понатаму, сакаме и таму да победима“, изјави Карачиќ.

