Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Фудбал»ПСЖ против Борусија Д. ќе ја руши традицијата
    Фудбал

    ПСЖ против Борусија Д. ќе ја руши традицијата

    risteBy riste11/03/2020No Comments2 Mins Read
    Facebook Twitter Pinterest LinkedIn Tumblr Email

    Францускиот гигант ПСЖ вечерва од 21 часот ја пречекува Борусија Дортмунд пред празните трибини на „Паркот на принцовите“ во реваншот од 1/8-финалето на Лигата на шампионите. Дуелот ќе се игра зад затворени врати заради епидемијата на коронавирусот. Германскиот тим победи со 2:1 на првата средба, која го остави отворено прашањето за конечниот победник од оваа пресметка.

    Парижаните изгубија едно од своите оружја во мечот – публиката, но може да излезат уште послаби заради здравствената состојба на младата sвезда Килијан Мбапе, кој не се чувствува добро, па дури беше тестиран за коронавирус. Постојат индикации дека тестот е негативен, но неговото учество во натпреварот останува под знак прашалник.

    Во последните три сезони, ПСЖ секогаш го започна своето учество во ЛШ како еден од фаворитите за трофејот, но е елиминиран во 1/8-финалето. Особено беше болно во 2018 година, кога Барселона успеа да анулира негатива од 4 гола кој ПСЖ ги имаше по првата средба, па на реваншот на „Камп Ноу“ загуби со 6:1. Потоа беа елиминирани од Реал Мадрид, а минатата сезона Манчестер Јунајтед ја направи сензацијата, елиминирајќи ги Парижаните по поразот од 0:2 на „Олд Трафорд“ и победата од 3:1 на „Паркот на принцовите“. ПСЖ е во деликатна ситуација која Борусија Дортмунд ќе се обиде да ја искористи.

    Тренерот Томас Тухел планира да се потпре на Мбапе во напад, но доколку тој не може да настапи, алтернатива е Мауро Икарди како партнер на Едисон Кавани во нападот. Со сигурност дуелот го пропуштаат Марко Верати и Тома Муние поради суспензија. Анхел Ди Марија е со жолти картони и евентуално ако добие на оваа средба би го пропуштил следниот натпревар од четвртфиналето, доколку ПСЖ се пласира понатаму.

    Во исто време Борусија Дортмунд е во подем, а нападот се потпира на младиот Норвежанец Ерлинг Холанд, кој е незапирлив. Борусија Дортмунд е во серија од четири последователни победи во Бундеслигата и ќе се обиде да ја продолжи својата серија во Европа.

    Можни состави:
    ПСЖ: Навас, Керер, Силва, Кимпембе, Бернат, Ди Мариа, Маркињос, Гај, Нејмар, Кавани, Мбапе.

    Борусија Дортмунд: Бурки, Загаду, Хумелс, Пишчек, Витсел, Чан, Т. Азар, Санчо, Гереиро, Хакими, Холанд.

    Натпреварот на „Паркот на принцовите“ во Париз ќе го суди Ентони Тејлор од Англија, а започнува од 21 часот.

    Share. Facebook Twitter Pinterest LinkedIn Tumblr Email

    Related Posts

    Македонија против Словенија го затвора неуспешното поглавје во Лигата на нациите Б -лига

    16/11/2026

    Англиската репрезентација постави рекорд по натпреварот против Шпанија

    16/11/2026

    Баерн Минхен бара дури 300 милиони евра за Мајкл Олисе

    16/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.