Раководството на Евролигата одлучи да го зголеми наградниот фонд за сезоната 2020/2021.
Според информациите, секој тим, без оглед на резултатите, ќе добие најмалку 1,5 милиони евра ако има долгорочна лиценца за Евролига. Доколку нема лиценца, тогаш на тимот му се гарантира сума од 500.000 евра.
Покрај тоа, на крајот на сезоната 14 екипи ќе добијат награди, а наградите за секој натпревар ќе бидат откажани. Тимот кој ќе го завземе 14-то место во сезоната ќе добие 150.000 евра. Наградата за пласман на Ф4 турнирот ќе изнесува дополнителни 650.000 евра.
Сезоната во Евролигата започнува на 1 октомври.

