По долгите преговори и одложувања, конечно беа донесени протоколи за спортот непречено да се одвива, со константни тестирања на играчите и почитување на одредени пропозиции при организирањето на натпреварите.
На отварањето на сезоната кое ќе биде утре, први од центарот ќе тргнат Вардар и Црн Дрим во салата на „КК Вардар“ од 17:00 часот. Кожув и Пелистер ќе играат од 17.30 часот во салата „26 април“ во Гевгелија.
Од 18.00 часот ќе се одиграат два дуели во Скопје, каде Академија ФМП ќе го пречека Гостивар, а дебитантот ТФТ за противник ќе го има Куманово.
Внимението на спортската јавност со сигурност ќе биде свртено кон дербито на колото, тоа е дуелот кој е на програмата в недела во „Градски Парк“, каде Работнички ќе го дочека МЗТ Скопје со почеток од 18:00 часот и уште во првото коло ќе може да видиме која од овие две екипи подобро се подготвила за стартот на сезоната. Во недела ќе се одигра уште еден натпревар, но два часа порано младиот тим на МЗТ Скопје Уни Банка ќе го дочека Еуро Никел во СЦ „Јане Сандански“.

