Кошаркарската репрезентација на Македонија денес ќе се обиде да стигне до победа во квалификациите за Евробаскетот на дуелот против Италија во Талин.
По воведните два порази од Естонија дома и Русија на гостински терен во февруари, избраниците на селекторот Александар Тодоров мораат да одиграат далеку подобро во овој „ФИБА балон“ ако сакаат добар пласман.
И покрај тоа што Италија како домаќин на следното Европско првенство има обезбеден пласман, во овие квалификации селекторот Сакети им дава шанса на помлади играчи од домашниот шампионат, што во никој случај не смеат да се потценат. И со ваков состав Италија во фрвруари ги доби дуелите со Русија и Естонија и се први во групата Б.
Македонија и Италија досега играле само два пати низ историјата и двата пати Италија била поуспешна. Сепак тоа беа пријателски средби во 2011 и 2014 година, кои Италија ги доби со 89:70 и 63:56.Во нашата репрезентација има големи промени во играчкиот состав, но главно ќе биде неиграњето на Ненад Димитријевиќ, кој не доби дозвола да патува за Естонија.
Селекторот се реши за неколку млади домашни кошаркари, а голема помош треба да биде новото засилување Џејкоб Вајли кој настапува за шпанскиоѕт тим Гран Канарија.
Натпреварот Македонија – Италија се игра во „Саку Сурхал Aрена” во Талин и започнува од 15:00 часот.

