Екипата на Барселона се пласираше во финалето на Ф4 турнирот во Келн во рамките на завршницата од Лигата на шампионите на ЕХФ за минатата сзона.
Барселона убедливо славеше над Пари Сен Жермен (37:32) и сега ќе го чека подобриот од второто полуфинале меѓу Кил и Веспрем. Од една страна Раул Гонзалез, на друга Чави Пасквал, но сепак на крајот поуспешен беше предводникот на Барселона.
ПСЖ одлично го почна натпреварот и имаше предност од 3 гола разилика (7:4 и 8:5) , но подоцна се разигра Барселона и направи пресврт за на одмор да заминат со предност од 18:14. Во вториот дел Барселона не дозволи ПСЖ да се закани и ја контролираше играта и резултатот.
Најефикасен кај Барселона беше Дика Мем со осум гола од девет обида, пред Палмарсон со шест и Фабрегас и Јанц со по пет гола, додека кај ПСЖ, Наи реализира девет гола од десет обида, додека Хансен постигна седум гола.

