Македонија со пораз го започна настапот во главната рунда на СП во Египет, нашата селекција загуби убедиво од Словенија со 21:31 (9:13).
Македонија добро го започна натпреварот и во првите минути имаше предност од два гола разлика (4:2, 5:3 и 6:4) , но потоа Словенија направи пресврт и поведе со 7:6, а на тоа добро одговорија нашите репрезентативци и три пати го израмнуваа резултатот (7:7, 8:8 и 9:9). Потоа следуваше вистинска криз аво нападот на нашата ракометна селекција и цели девет минути до крајот на првиот дел не успеа да постигне гол, а тоа го искористи Словенија која успеа да направи предност од +4 и на одмор да замине со водство од 13:9.

Во вториот дел повторно лоша игра на нашта репрезентација во нападот и неколку минути не успеавме да постигнеме гол, а тоа знаеше да го казни Слоенија и да дојде до предност од 15:9, а од тој момент константно ја зголемуваше предноста која од минута во минута се зголемуваше за максималните +10 на крајот од натпреварот 21:31.
Наш најдобар ракометар и денес беше капитенот Кире Лазаров, овој пат со пет гола, а по три гола реализираа Кузмановски, Талески и Танкоски. Кај победникот прв стрелец беше Гајиќ со седум гола, а на голот фантастичен беше Лесјак со 16 одбрани. Следен противник на Македонија ќе биде Русија со која ќе играме во петок од 15.30 часот.

