Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Фудбал»Порто и Челзи во битка за полуфинале стадионот во Севиља
    Фудбал

    Порто и Челзи во битка за полуфинале стадионот во Севиља

    risteBy riste07/04/2021No Comments3 Mins Read
    Facebook Twitter Pinterest LinkedIn Tumblr Email

    Порто и Челзи се соочуваат еден против друг во првиот натпревар од четвртфиналето во Лигата на шампионите. Натпреварот нема да се игра на стадионот на Порто во Португалија, туку на „Рамон Санчез Писхуан“ во Севиља. Тимот на Томас Тухел е фаворит, но Порто е искусен тим во Лигата на шампионите во претходната рунда му го зеде скалпот на Јувентус. Од друга страна, Челзи ќе мора брзо да застане на нозе откако пред неколку дена претрпе срамен пораз од 2:5 на „Стемфорд Бриџ“ од ВБА.

    Во осминафиналето Челзи го елиминираше Атлетико Мадрид по победите со 1:0 и 2:0. Тимот игра многу солидно во одбраната и се потпира на брзината на своите напаѓачи. Стилот на Порто исто така не може да се опише како спектакуларен, но Португалците знаат да ја искористат секоја грешка на противникот.

    Порто е во четвртфинале по четврти пат во последните 16 години, но не ја поминал оваа фаза на турнирот од сезоната 2003/04, кога го освоија ова натпреварување под водство на Жозе Мурињо. Тогаш Муруњо замина во Челзи и со себе зеде некои од ѕвездите на Порто. Драматичната елиминација на Јуве беше проследена со три последователни победи во локалниот шампионат, но тимот на Серхио Консеисао сериозно заостанува зад Спортинг (Лисабон) и веројатно нема да ја одбрани титулата.

    Челзи и понатаму се наоѓа во топ 4 во Премиер лигата, но разликите со директните конкуренти се минимални и тимот не може да си дозволи погрешни чекори. Ова е најтешкиот дел од сезоната и тимот на Тухел ќе мора да покаже квалитет за да ги постигне своите цели. Во Лигата на шампионите, резултатите се повеќе од импресивни и лондончани победија на шест од последните седум натпревари.

    Челзи последен пат се пласираше во четвртфиналето од Лигата на шампионите во сезоната 2013/14. Англискиот гигант има предност во директните натпревари со Порто, победи на 5 од претходните 8 средби со оваа екипа. Последен пат двата тима беа ривали во групната фаза во 2015 година и натпреварот на „Стемфорд Бриџ“ заврши со успех за домаќините со 2:0.

    Вечерва Порто ќе биде без Серхио Оливеира, кој е со акумулирани жолти картони. Стрелецот на 19 голови оваа сезона сигурно ќе отсуствува од португалскиот тим, а неговото место се очекува да го заземе Марко Груиќ. Другиот казнет е Мехди Тареми. Тој беше исклучен во Торино, а Серхио Оливеира ќе го замени Луис Диас. Ветеранот Пепе повторно ќе командува со одбраната, а напред ќе започнат Муса Марега и Тони Мартинез.

    Н’Голо Канте нема да игра за Челзи. Францускиот репрезентативец е повреден и ова значи дека Жоржињо и Матео Ковачиќ ќе бидат партнери на средината на теренот. Кристијан Пулишиќ беше заменет на паузата против Вест Бромвич и е под знак прашање неговиот настап. Антонио Рудигер го привлече гневот на Тухел во врска со кавгата меѓу него и резервниот голман Кепа Аризабалага. Оливие Жиру, потпомогнат од Хаким Зиеш и Мејсон Маунт, се очекува да бидат во нападот.

    Судија на натпреварот вечерва ќе биде Хрватот Славко Винчиќ.

    Веројатни состави:
    Порто (4-4-2): Маркесин, Манафа, Пепе, Мбемба, Сануси, Корона, Груиќ, Урибе, Отавио, Марега и Мартинез.
    Челзи (3-4-2-1): Менди, Аспиликуета, Зума, Кристенсен, Хадсон-Одој, Жоржињо, Ковачиќ, Чилвел, Зиеш, Маунт и Жиру.

    Share. Facebook Twitter Pinterest LinkedIn Tumblr Email

    Related Posts

    Македонија против Словенија го затвора неуспешното поглавје во Лигата на нациите Б -лига

    16/11/2026

    Англиската репрезентација постави рекорд по натпреварот против Шпанија

    16/11/2026

    Баерн Минхен бара дури 300 милиони евра за Мајкл Олисе

    16/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.