Селекторот на македонската ракометна репрезентација, Кирил Лазаров, го објави поширокиот список на ракометари на кои ќе смета за последните два квалификациски меча од циклусот за ЕП 2022 против Финска и Швајцарија.
На списокот се наоѓаат 35 ракометари, а Лазаров реши да повика шест нови имиња меѓу оние кои кандидираат за настап во нашата најдобра репрезентација.
Нови имиња на овој список се голманот Васил Гогов кој има искуство со Вардар во ЛШ, крилото Дарко Кондев од Тиквеш, како и бековите Марко Стојковиќ (Голден Арт КЛ7), Давид Саврески (Работнички), Павле Атанасијевиќ (Еурофарм Пелистер 2) и Марко Митев (РК Бутел).
Ракометната селекција на Македонија прво ќе гостуваат во Финска на 28 април, додека на 2 мај во CЦ „Јане Сандански” против Швајцарија ќе го одигра последниот натпревар од квалификациите за пласман на Европското првенство.


