Ракометарите на Еурофарм Пелистер вечерва од 20:45 ќе го одиграат и петтиот меч во тековната сезина од ЕХФ Европската лига. Тие се гости во Лисабон против Спортинг.
По двете последователни победи, битолани се надеваат на продолжение на добрата серија. Со амбиции да им се реваншираат за оние порази од пред две години, „зелено-белите“ заминаа со оптимизам на ова гостување.
„Победивме против АЕК и Татабања, но би го спомнал и многу важниот бод од Швајцарија, кaде игравме лошо прво полувреме и на крајот успеавме да се вратиме со еден бод. Сега тој бод е многу важен. Ниту еден натпревар не се препушта на случајот и како и досега ќе играме на победа. Пред две сезони игравме против Спортинг. Имаат одлична екипа, брз проток на топка и слична одбрана како нашата. Мислам дека ќе се спремиме и нема да имаме проблем да ја пробиеме“, изјави пред денешниот меч, еден од ракометарите на Е. Пелистер, Елмир Граџан.

