Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Фудбал»Ливерпул и Виљареал вечерва во прва полуфинална пресметка во Лигата на шампионите
    Фудбал

    Ливерпул и Виљареал вечерва во прва полуфинална пресметка во Лигата на шампионите

    risteBy riste27/04/2022No Comments3 Mins Read
    Facebook Twitter Pinterest LinkedIn Tumblr Email

    Најуспешниот англиски клуб ви европските натпреварувања – Ливерпул се среќава со најголемата сензација Виљареал во првиот натпревар од полуфиналето на Лигата на шампионите. Натпреварот на Енфилд е од 21 часот, а Ливерпул е во улога на апсолутен фаворит. Многумина прогнозираат дека во финалето тимот на Јирген Клоп ќе се соочи со својот голем ривал за титулата во Премиерлигата Манчестер Сити, но Виљареал секако има други планови. „Жолтата подморница“ се покажа како убиец на гиганти и веќе им го зеде скалпот на Јувентус и Баерн (Минхен).

    Против Баварците, тимот на Унаи Емери покажа дека може да игра доминантен фудбал и заслужи да победи со повеќе од 1:0 на својот „Естадио де ла Керамика“. Во реваншот Шпанците ладнокрвно се бранеа и трпеливо го чекаа моментот кога со смртоносна контра ќе го елиминираат гигантот од Минхен.

    Ливерпул имаше полесна задача против Бенфика. „Црвените“ во голема мера ги решија работите во своја полза во Лисабон, откако победија со 3:1.

    Во реваншот Клоп си дозволи да ги сочува силите на некои од главните играчи и натпреварот заврши 3:3. Така, тимот продолжува да има реални шанси да ја заврши сезоната со 4 трофеи.

    Во текот на викендот Ливерпул се сретна со градскиот ривал Евертон во натпревар во кој немаше право на грешка. Џокерот Дивок Ориги влезе од клупата и уште еднаш придонесе за победата. Тимот на Клоп заостанува само еден бод зад Манчестер Сити во трката за титулата и е должен да ги добие сите преостанати натпревари, но истото важи и за „граѓаните“.

    Виљареал игра на променливо во Ла Лига. Во последниот натпревар „жолтата подморница“ лесно победи со 2:0 против Валенсија, а во текот на викендот тимот немаше натпревар и можеше целосно да се фокусира на подготовките за гостувањето на „Енфилд“.

    Импресивен е податокот дека Виљареал забележа три победи и едно реми на последните 4 натпревари на гостински терен во Лигата на шампионите. Сепак, тимот беше елиминиран од англиски ривал во единствениот случај во кој стигна до полуфиналето на турнирот. Во сезоната 2005/06, „жолтата подморница“ се сретна со Арсенал на чекор од финалето и загуби со вкупен резултат 0:1.

    Роберто Фирмино е под знак прашање за настап во Ливерпул, но и да беше во оптимална кондиција, Бразилецот тешко дека би бил стартер. Нападот ќе го предводат Мохамед Салах, Садио Мане и Луис Дијаз, додека на клупата ќе останат Ориги и Диого Жота. Во центарот на одбраната, Вирџил ван Дајк ќе биде партнер со Ибрахим Конате, кој постигна гол во двете четвртфинални пресметки со Бенфика. Тројцата на средината на теренот најверојатно ќе бидат Џордан Хендерсон, Фабињо и Тиаго Алкантара.

    Виљареал ќе игра без поранешниот дефанзивец на Ливерпул, Алберто Морено, а најверојатно ќе недостасува Жерард Морено. Френсис Кокелин ги продолжи тренинзите со тимот и се очекува да започне од првата минута. Единствената дилема за Унаи Емери е меѓу Чуквуезе и Џереми Пино кој од нив треба да истрчаат до Арно Данјума во нападот.

    Ливерпул и Виљареал имаат два натпревари од европските турнири во 2016 година. Тие беа ривали во полуфиналето на Лига Европа, Шпанците победија со 1:0 на домашен терен, но загубија со 0:3 на „Енфилд“. Во финалето Ливерпул загуби од Севиља и сега може да се реваншираат.

    Судија на средбата вечерва ќе биде Полјакот Симон Марчињак.

    ЛИВЕРПУЛ – ВИЉАРЕАЛ
    Веројатни состави:
    ЛИВЕРПУЛ (4-3-3): Алисон; Александар-Арнолд, Конате, Ван Дајк, Робертсон, Хендерсон, Фабињо, Тиаго Алкантара, Салах, Мане, Л.Дијаз
    ВИЉАРЕАЛ (4-3-1-2): Рули; Фојт, Албиол, П.Торес, Еступинан; Парехо, Кокелин, Капу; Ло Селсо; Алкасер и Данјума.

    СУДИЈА: Симон Марчињак (Полска)
    СТАДИОН: „Енфилд“ – Ливерпул

    Share. Facebook Twitter Pinterest LinkedIn Tumblr Email

    Related Posts

    Македонија против Словенија го затвора неуспешното поглавје во Лигата на нациите Б -лига

    16/11/2026

    Англиската репрезентација постави рекорд по натпреварот против Шпанија

    16/11/2026

    Баерн Минхен бара дури 300 милиони евра за Мајкл Олисе

    16/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.