Ракометарите на Вардар синоќа со фантастичен финиш успеа да слават во финалето на националниот ракометен куп и да ги обединат титулите оваа сезона. Во последниот напад, „црвено-црните“ погодија со голот на Филип Талески и успеаја да направат целосен пресврт во второто полувреме, во кое едно време имаа и 5 гола негатива.
„Овој меч го реши карактерот и името – Вардар. Вардар 5-6 години покажува дека има голем карактер. И кога губи не се откажува до последната секунда. Тоа го покажавме и денеска. Водевме 4 разлика, па ни направија серија од 8:0 што не е дозволиво, меѓутоа во второто полувреме имавме негатива од 5 гола разлика, верувавме, победата ни беше во глава и на крај пресуди карактерот на Вардар и поголемата желба. Честитки за Е. Пелистер, но мислам дека тие немаа некој ракометар кој во клучните моменти ќе преземе одговорност“, смета Талески.

