По пауза од четири години, МЗТ Скопје се враќа во АБА лигата и тоа со огнено крштевање вечерва во Белград против актуелниот првак – Црвена Звезда.
Во првите три кола „штрковите“ ќе играат против три кандидати за титулата (Ц. звезда, Партизан и Будуќност), од кои два се и евролигаши.
За МЗТ Скопје, предводен од тренерот Петровиќ, како и од искусните играчи Војдан и Дамјан Стојановски, Бојан Крстевски, Андреј Магдевски, Адем Мекиќ, главна цел ќе биде да се обезбеди опстанок во лигата.
„АБА-лигата е меѓу трите најквалитетни натпреварувања во Европа. Пред нас е напорна, тешка сезона, но ние на секој меч ќе одиме на победа“, изјави пред заминување за Белград, капитенот Дамјан Стојановски.
Средбата вечерва почнува од 20 часот.