Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Фудбал»Манчестер Сити започнува против Барнли на Компани, Покетино дебитира за Челзи со дерби против Ливерпул
    Фудбал

    Манчестер Сити започнува против Барнли на Компани, Покетино дебитира за Челзи со дерби против Ливерпул

    risteBy riste15/06/2023No Comments3 Mins Read
    Facebook Twitter Pinterest LinkedIn Tumblr Email

    Екипата на Манчестер Сити, која пред само неколку дена освои историска тројна круна, започнува уште една одбрана на титулата во Премиер лигата со гостувањето кај шампионот од Чемпионшип Барнли, чиј менаџер е поранешниот капитен на „граѓаните“ Винсент Компани. Тимот на Пеп Гвардиола има за цел да стане првиот тим кој ја освоил титулата во Премиер лигата во четири последователни сезони.

    Големиот конкурент на „граѓаните“ за првото место минатата сезона – Арсенал, новиот обид за напад на врвот на англиската елита ќе го започне со гостување кај Нотингем Форест. Манчестер Јунајтед, исто така, има за цел да се врати во трката за титулата откако обновениот тим на Ерик тен Хаг ја прекина шестгодишната пауза за трофеи со освојувањето на Карабао купот претходната сезона. Клубот најверојатно наскоро ќе има нови сопственици, па навивачите на „црвените ѓаволи“ со големи надежи ја очекуваат сезоната која ќе започне со меч на „Олд Трафорд“ против Вулверхемптон.

    Њукасл се проби во топ 4 и ќе игра во Лигата на шампионите. Достигнувањето е огромно, но сопствениците и менаџерот Еди Хау се стремат уште повисоко. Во својот прв натпревар од новата сезона на „Сент Џејмс Парк“ ќе и гостува Астон Вила, која заврши на седмото место и ќе игра во Конференциската лига.

    Ливерпул, од друга страна, има разочарувачка сезона и нема да игра во Лигата на шампионите за прв пат по седум години откако заврши на петтото место. Јирген Клоп, сепак, веќе изрази уверување дека во следната сезона тимот ќе се врати во битката за титулата. Ливерпул ќе стартуваат многу мотивирани, почнувајќи против Челзи, кој буквално пропадна во 2022/23 година откако заврши на 12-тото место на табелата и покрај тоа што новите сопственици потрошија 600 милиони фунти за селекција. Лошите резултати доведоа до неколку тренерски промени, но на крајот управата му изгласа доверба на Маурицио Покетино, кој треба да го врати Челзи во битката за првите места. Средбата меѓу „сините од Лондон“ и Ливерпул од првото коло е на „Стемфорд Бриџ“.

    Сезоната започнува на 12 август 2023 и завршува на 19 мај 2024 година. Програмата се враќа на нормални параметри за прв пат по долго време, бидејќи поради пандемијата имаше поместување на терминот за старт, а пото минатата сезона започна една недела порано поради Светското првенство во Катар. Дополнително, се враќа паузата за полусезона, која ќе биде помеѓу 13 и 20 јануари 2024 година. Лигата се обврза во напорниот божиќен и новогодишен распоред дека нема да има две кола со разлика помала од 48 часа меѓу нив.

    Клучни датуми:
    12 август – почеток на сезоната во Премиер лигата
    13-20 јануари – зимска пауза
    25 февруари – Финале на Купот Карабао
    19 мај – Завршување на сезоната во Премиер лигата
    25 мај – Финале на ФА Купот
    1 јуни – финале во Лигата на шампионите

    Share. Facebook Twitter Pinterest LinkedIn Tumblr Email

    Related Posts

    Македонија против Словенија го затвора неуспешното поглавје во Лигата на нациите Б -лига

    16/11/2026

    Англиската репрезентација постави рекорд по натпреварот против Шпанија

    16/11/2026

    Баерн Минхен бара дури 300 милиони евра за Мајкл Олисе

    16/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.