Ракометната репрезентација на Македонија сопораз го започна Европското првенство во Германија. Иако избраниците на Кирил Лазаров играа добро на отварањето на натпреварот, сепак претрпеа неуспех против Франција во „Меркур Шпил Арената“ во Дизелдорф (39:29).
И покрај очекуваниот пораз, разочарувањето беше видливо кај нашите репрезентативци. По натпреварот својот став го изнесе пивотменот Жарко Пешевски.
„Одигравме одличен прв дел, а потоа пресуди разликата во квалитет. Игравме против велесила. Не се предадовме. Едноставно имаше борба шеесет минути. Тоа ќе ни биде поттик за следните два натпревари. Мислам дека ќе бидеме на подобро ниво на следните натпревари за разлика од денес“, изјави Пешевски.
Македонија поодигрувањето наа мечот во Дизелдорф, ги продолжува своите настапи во групната фаза во во Берлин. В недела е закажан натпреварот со Германија во вечерниот термин од 20.30, а два дена подоцна играме со Швајцарија во 18:00 часот, како последен меч од оваа група.

