Ракометната репрезентација на Македонија по 4 дена пауза го продолжува својот настап на Европското првенство (ЕП) во Германија. По стартниот со пораз од селекцијата на Франција (29:39) во Дизелдорф, нашите ракометари своите преостанати два натпревари ги игра во Берлин. Вечерва против домаќинот Германија од 20:30 часот, односно против Швајцарија (16 јануари – вторник од 18:00 часот). Германија на првата средба беше доминантна и со убедливи 27:14 успеа да ја победи Швајцарија и со тоа покажа дека се подготвени за виск пласман на ова ЕП каде што се домаќини. Овој состав на Германија е составен од играчи од најсилната лига во светот – Бундеслигата, Германците на овој настан влегуваат со големи очекувања и сакаат дајдат до медал на ова ЕП.
Сигурно не им е во добро сеќавање последниот натпревар кој го играа со Македонија, тогаш на ЕП во Хрватска во 2018 година одиграа нерешено 25:25 и тоа е единствениот натпревар каде не успеале да ја победат нашата селекција.
Исто така на ЕП во Србија, Македонија имаше тесен пораз од Германија со минимални 23:24, додека останатите средби ги доби Германија со убедлив резултат.
Меѓусебни средби:
03.06.1999 Германија – Македонија 36:25 (СП Египет)
21.01.2009 Македонија – Германија 23:33 (СП Хрватска)
17.01.2012 Македонија – Германија 23:24 (ЕП Србија)
21.01.2013 Германија – Македонија 28:23 (СП Шпанија)
17.01.2018 Германија – Македонија 25:25 (ЕП Хрватска)
Вечерашниот натпревар се игра во „Мерцедес Бенц Арена“ во Берлин со почеток од 20.30 часот, според веќе објавеното салата ќе биде исполнета до последно место, околу 15.000 гледачи. Дуелот ќего судат браќата Мартинс од Португалија.

