Марко Митев беше најрасположен во македонската репрезентација во ремито кое го одигравме со Австрија во Вараждин, Митеив постигна 6 гола од 8 обиди и покажа дека овој противник му лежи.
Митев не настапи на натпреварот против Гвинеја поради проблем со рамото, па иако денеска не беше 100 проценти подготвен за игра, тој го даде максимумот.
„Не бев максимално подготвен за игра, но дадов се што имав. И покрај повредата на рамото, ми лежеше да играм против Австрија, иако ние како тим се мачевме со нивната игра 7 на 6. На крајот имавме и среќа, но среќата ги прати храбрите. Бод си е бод, – изјави Митев, кој се надева на уште подобро колективно издание против Катар за два дена.
Имаме повредени и болни играчи во тимот, но мора да се подготвиме најдобро што можеме, да го дадеме максимумот и да го победиме Катар.
Треба да се подготвиме најдобро што можеме, да останеме фокусирани и да влеземе уште посилно од денеска. Очекувам сличен натпревар како овој денеска, но ќе влеземе со цел да оставриме победа“, посочи Митев.

