Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Ракомет»Алкалоид го победи АЕК во Атина и со предност го очекува реваншот во Скопје
    Ракомет

    Алкалоид го победи АЕК во Атина и со предност го очекува реваншот во Скопје

    risteBy riste18/05/2025No Comments2 Mins Read
    Facebook Twitter Pinterest LinkedIn Tumblr Email

    Македонскиот преставник во Европскиот куп на ЕХФ, Алкалоид направи голем чекор до освојување на трофејот во ова натпреварување откако забележа голема и значајна победа на гостувањето кај АЕК Атина (25-29) во рамки на првиот дуел во финалето на Европскиот Куп на ЕХФ.

    Ова значи дека во Скопје на реваншот ќе игра за трофеј во треторангираното натпреварување во европскиот ракомет. Екипата на Алкалоид не се исплаши од 9.000 навивачи кои го бодреа АЕК во Атина затоа што салата беше полна и се играше под голем притисок, ниту од прекините кои се случија во неколку наврати од жестоките фанови на грчкиот првак.

    Мечот во Атина започна со водсво на АЕК, но потоа Алкалоид направи пресврт и дојде до предност од 5:6, за да се игра изедначено (11:11) во 23.минута. Сепак во финишот од првиот дел Алкалоид направи добра серија од четири гола и на одмор замина со 14:16.

    На стартот на второто полувреме, Алкалоид успеа да се одлепи и на плус три, меѓуоа АЕК воден од публиката успеа да дојде на негатива од еден гол по мала криза во нападот на Алкалоид (17-18). Потоа, беше и 17-20, па следеше прекин откако Дамјан Митев на клупата беше удрен со шише во глава. Следуваше одбрана на пенал од страна на Галевски, па со реакција дополнително ја „запали“ публиката која фрлаше со предмети. По нов прекин, следеше предупредување од спикерот, за можно празнење на салата, па ситуацијата се смири и дуелот продолжи.

    Ракометарите на Алкалоид до крајот на натпреварот ја одржуваа предноста од 2-3 гола разлика за во последната минута дојдат до предност од +4 односно 25:29 што беше и конечен резултљат на овој натпревар.

    Најефикасен играч во Алкалоид беше Мартин Сефаримов со шест погодоци, а „пет од пет“ имаше Франциско Да Силва. Голем удел во овој триумф имаше голманот Иван Галевски кој фати пет пенали и вкупно девет интервенции, додека двоцифрен со десет одбранети удари беше Марко Кизиќ. 

    Share. Facebook Twitter Pinterest LinkedIn Tumblr Email

    Related Posts

    Јака Малус на крајот на сезоната заминува од Вардар?

    15/11/2026

    Во меч со пресврти: Вардар славеше на дербито со Алкалоид

    14/11/2026

    Валах останува во Вардар до 2028 година

    13/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.