Рускиот олигарх Роман Абрамович кој е сопственик на Челзи беше на еден начин протеран од Англија по стартот на војната од страна на неговата држава и нападот над Украина. Поради тоа, самиот тој беше принуден да отстапи од позицијата прв човек на Челзи, а иако фановите се надеваа дека ќе се врати по крајот на кризата, сепак очигледно нема да се случи тоа.
Абрамович преку официјално соопштение се обрати преку веб-страницата на Челзи и ја потврди продажбата на клубот со што се потврдија шпекулациите дека Челзи ќе добие нов сопственик. Абрамович напиша дека сите нето-приходи од продажбата на Челзи ќе одат во донација за погодените од војната во Украина.
Во продолжение соопштението на Роман Абрамович:
„Би сакал да се обратам поради шпекулациите во претходните денови за моето сопствеништво на Челзи. Како што се изјаснив и претходно, секогаш носев одлуки во најдобар интерез за клубот. Во оваа ситуација донесов одлула да го продадам клубот, одлука која сметам дека е најдобро за Челзи, фановите, вработените, спонзорите и партнерите…
Продажбата нема да биде избрзана, а нема да барам од новите сопственици да ми враќаат позајмици. Ова никогаш не беше бизнис за мене, туку чиста страст за фудбалот и Челзи. Покрај тоа, мојот тим ќе основа фондација преку која нето приходите од продажбата ќе бидат донирани на жртвите од војната во Украина. Ова вклучува и помош на критичните сектори на кои им е потребна помош веднаш.
Мора да знаете дека ова е неверојатно тежок момент и одлука за мене и чувствувам болка што ќе се разделам со клубот на овој начин. Сепак, верувам дека е во најдобрите интереси за Челзи.
Се надевам дека ќе можам да го посетам „Стемфорд Бриџ“ за последен пат и да се поздравам со сите лично. Ми беше чест и привилегија што бев дел од Челзи и горд сум на сите достигнувања. Челзи и сите прирвзаници засекогаш ќе ми бидат во срцето“ се вели во соопштението на Абрамович.
Абрамович го презеде Челзи во јуни 2003 година и речиси 19 години успешно го водеше. Клубот од „Стемфорд Бриџ“ двапати се искачи на тронот на Европа освојувајќи ја Лигата на шампионите, а освои многу титули во Англија.