Агресивно настроените навивачи на Лацио го уништија одбележувањето на 119-годишнината од основањето на Римскиот клуб.
Околу 2500 приврзаници на Лацио биле на еден од плоштадите во Рим, каде околу 300 од нив со маски на лица предизвикаа големи нереди на улиците. Хулиганите фрлале камења и шишиња кон полицајците, по што морело да биде употребен солзавец, за да се растури толпата, соопшти агенцијата АНСА.
Последните извештаи велат дека настрадале седум полицајци, а тројца навивачи се приведени. Премиер на Италија, Џузепе Конте, изјави дека ако продолжат ваквите настани со насилство од страна на фудбалски фанови, може да се дојде до екстремни мерки, како затворање на стадионите.
„Затварањето на стадионите значи пораз за нас, неможност да се справиме со ситуацијата, но ако биде неопходно, ќе го направиме и тоа”, изјави Конте.