По денешната ждрепка во Букурешт, стана јаснод ека доколку нашата фудбалска репрезентација успее да го помине баражот во Лигата на Нацио, следната година на Европското фудбалско првенство ќе биде во група со Холандија, Украина и добро познатиот ривал Австрија.
Ова се едни од најкомплексните и уникатни квалификации за ЕУРО, а ќе учествуваат 24 репрезентации од кои 20 се пласираа преку нормалните квалификации, а останатите четири места ќе ги заземат националните тимови победници во баражите на Лигата на нациите.
Македонија во полуфиналето на плеј-офот во Лигата на нации во март следната година ќе игра со Косово, а ако победиме одиме на финален меч со подобриот од дуелот меѓу Грузија и Белорусија.
ГРУПА А: ТУРЦИЈА, ИТАЛИЈА, ВЕЛС, ШВАЈЦАРИЈА
ГРУПА Б: ДАНСКА, ФИНСКА, БЕЛГИЈА, РУСИЈА
ГРУПА Ц: ХОЛАНДИЈА, УКРАИНА, АВСТРИЈА, ПЛЕЈ ОФ Д
ГРУПА Д: АНГЛИЈА, ХРВАТСКА, ЧЕШКА, ПЛЕЈ ОФ А
ГРУПА Е: ШПАНИЈА, ШВЕДСКА, ПОЛСКА, ПЛЕЈ ОФ Б
ГРУПА Ф: ПЛЕЈ ОФ А, ПОРТУГАЛИЈА, ФРАНЦИЈА, ГЕРМАНИЈА