Алавес го отпушти менаџерот Хозе Луис Мендилибар по поразот од Атлетико Мадрид со 4:1 во 30. коло од шпанската Ла Лига.
Под водство на шпанскиот тренер Алавес извојува една победа во 12 натпревари и е на 20. место во Ла Лига со 22 бода. Договорот со Мендилибар првично беше со важност до крајот на оваа сезона.
Мендилибар го презеде Алавес на 28 декември 2021 година. Тој го замени Хавиер Калеха, кој исто така беше отпуштен од управата на клубот поради лошите резултати. Мендилибар беше на чело на Еибар од 2015 до 2021 година. На крајот од минатата сезона, тимот испадна од првата лига на Шпанија. Пред тоа, 60-годишниот тренер работеше со Леванте, Осасуна, Атлетик, Ваљадолид и други шпански клубови.