По елиминацијата на Јувентус од Виљареал во осминафиналето во Лигата на шампионите, Италија остана без учесник во четвртфиналето од елитното натпреварување. Претходно истата судбина го снајде и Интер кој беше елиминиран минатата недела.
Тренерот Масимилијано Алегри, кој се најде на удар на јавноста, изјави дека не ги обвинува фудбалерите, и ја нарече играта на својата екипа наивна.
„Виљареал играше со деветмина зад линијата на топка и дури не сакаа да излезат повисоко. Не се обидуваа да нѐ нападнат и сакаа да го однесат натпреварот во продолженија. На крајот ние излеговме многу наивни и дозволивме да направиме грешки кои не чинат елиминација. Цели 75 минути игравме добро, но во фудбалот секогаш се можни вакви работи, посебно во Лигата на шампионите. Ќе го прифатиме овој пораз, не ги обвинувам фудбалерите“, изјави Алегри.
Јувентус веќе четврта година по ред испаѓа во осминафиналето на Лигата на шампионите и секогаш против тим кој е аутсајдер пред двомечот. По Ајакс, Лион и Порто, Виљареал е четврти тим кој му пресуди на Јувентус.