Тренерот на Јувентус Масимилиано Алегри не бил изненаден од тешкотиите кои „бјанконерите” ги имаа при гостувањето кај Фрозиноне во меч од 5.коло на Серија „А“. Јувентус дојде до тешка победа со 2:0, којаја остварија со погодоци во последните десетина минути преку Кристијано Роналдо и Федерико Бернадески.
„Очекував вака да биде. Фрозиноне загуби со 0:5 од Сампдорија во минатото коло и против нас излегоа многу мобилизирани. Ние во исто време пак имавме замор, бидејќи игравме со 10 играчи 70 минути во натпреварот со Валенсија во Лигата на Шампионите. Ние само требаше да покажеме повеќе трпение и да го чекаме нашиот момент. По толку многу удари и шанси, гол ќе биде постигнат”, рече Алегри.
Во натпреварот со Фрозиноне како стартер настапи Паоло Дибала, но не импресионираше со настапот. Тоа не му пречи на Алегри.
„Тој само треба да игра повеќе. Сеуште не ја има достигнато најдобра физичка форма, има уште да се работи и на психолошки план”, додаде тренерот Алегри во врска со настапот на Дибала. Јувентус е единствениот тим во Серија „А“, кој ги добил сите натпревари од почетокот на сезоната и е лидер со 15 поени, втор е Наполи со 12, благодарение на поразот од Сампдорија од 3:0.