Мароканскиот репрезентативец Софијан Амрабат е решен да ја напушти Фиорентина во последниот ден од зимскиот преоден рок откако Барселона му испрати официјална понуда. Тој е подготвен на се за да ја продолжи кариерата во каталонскиот клуб.
Вчера се појави информација дека Барселона сака да го ангажира Амрабат кој ги воодушеви сите со настапите во дресот на Мароко на Светското првенство во Катар. Барселона е подготвена да го доведе Амрабат на позајмица до крајот на сезоната со опција да го откупи неговиот договор на лето доколку ги оправда очекувањата, но челниците на Фиорентина не се премногу ентузијасти за таквата понуда.
Фиорентина утринава доби официјална понуда од Барселона за позајмица која би изнесувала меѓу три и четири милиони евра и можност Каталонците на лето да го купат Амрабат за околу 40 милиони евра, но клубот од Фиренца ја одбил таа понуда. Италијанските медиуми пишуваат дека во Фиорентина се разочарани од однесувањето на Амрабат, кој е решен со сите средства насила да патува до Барселона.