Тренерот на Реал Мадрид, Карло Анчелоти повторно испиша историја. 62-годишниот тренер стана првиот тренер со 5 финалиња во Лигата на шампионите.
Ова стана факт откако Италијанецот го предводеше Реал Мадрид до победа од 3:1 над Манчестер Сити во реванш полуфиналето од ЛШ и на тој начин дојде до битката за трофејот против Ливерпул во Париз.
Така, тој претекна во ваквото рангирање некои многу големи тренери како Марчело Липи, Сер Алекс Фергусон, Јирген Клоп и Мигел Муњоз, кои имаат по 4 финалиња. Италијанецот има освоено 3 титули во Лигата на шампионите – 2 со Милан (во 2003 и 2007 година), 1 со Реал Мадрид (во 2014 година) и едно загубено финале (во 2005 година).
https://twitter.com/ChampionsLeague/status/1521972489647239176?ref_src=twsrc%5Etfw%7Ctwcamp%5Etweetembed%7Ctwterm%5E1521972489647239176%7Ctwgr%5E%7Ctwcon%5Es1_&ref_url=https%3A%2F%2Fsportal.bg%2Fnews-2022050502084620466
Пред само неколку дена Анчелоти постави уште еден рекорд со тоа што стана првиот тренер кој станал шампион во сите големи европски првенства – Премиер лигата, Серија А, Ла Лига, Лига 1 и Бундеслигата.

