Македонската фудбалска репрезентација синоќа загуби со 2:0 на гостувањето кај Полска, а селекторот Игор Ангеловски истакна дека искуството на Полјаците беше пресудно за конечниот епилог на мечот.
„Немам забелешки за борбеноста и залагањето. Се обидовме да ги надополниме отсуствата со борбеност. Издржавме речиси до крај, а потоа лошо реагиравме на една долга топка, што полската селекција знаеше да го казни. Пресуди нивното исксутво. Сега ни преостанува да собереме што е можно повеќе бодови во наредните мечеви, кои ќе ни послужат за подобра подготовка против Косово или кој и да е противник кој ќе ни следува во Лигата на Нации“, рече Ангеловски на прес-конференцијата по средбата.