Селекторот на нашата фудбалска репрезентација Игор Ангеловски, синоќа на прес-конференцијата по мечот со Словенија и победата од 2:1 изјави дека е задоволен од големата победа, но потенцираше дека фокусот веднаш треба да се пренасочи кон Полска.
„Јас реков дека е задоволство да се работи со овие момци. Благодарност и за публиката која дојде во голем број. И покрај сите проблеми кои ги имавме овие фудбалери изгинаа на теренот, играа еден за друг, заедно сме и кога победуваме и кога губиме. Оваа победа е убава, но се уште ништо не сме направиле. Следниот натпревар го играме кај фаворитот Полска и сега треба да се фокусираме на него. Сега ни се зголемија шансите, но треба да се фокусираме на наредните натпревари. Сега одиме во Варшава, тие се фаворити, но тука одигравме меч каде што докажавме дека можеме да се носиме со нив“, потенцираше Ангеловски.