Англичаните ќе носат специјални дресови, а поранешните капитени и светски шампиони од 1966 година ќе бидат поканети на Вембли за да бидат дел од спектаклот каде ќе биде одбележано поминувањето на границата од над 1.000 фудбалски репрезентативци.
Ова ќе се случи за време на квалификациите за Евро 2020 против Црна Гора на 14 ноември. Сите репрезентативци на Англија во изминатите години ќе добијат личен број, почнувајќи од голманот и првиот играч на тимот Роберт Бејкер. Најновиот број 1244 , ќе го добие дебитантот во репрезентацијата Тајрон Мингс. Фудбалската асоцијација (ФА) објави дека броевите ќе бидат отпечатени под националниот амблем, за што Британците добија специјална дозвола од УЕФА.
Иновативноста ќе продолжи да се практикува, но по овој натпревар бројките ќе се печатат на внатрешноста на јаката од дресот. Британците најавија дека првиот црн фудбалер репрезентативец, Вив Андерсон, ќе биде присутен на натпреварот.

