Некогашните македонски репрезентативци, Перо Антиќ и Лестер Бо Мекејлеб, се најдоа во „дрим-тимот“ на ФИБА составен од селекции од делови од Европа кои не се меѓу најдобрите во изминатите 20 години.
Во анкетата на фановите нашава земја е единствена со двајца во идеалната петорка. Лестер Бо Мекејлеб и Перо Антиќ беа лидери на генерацијата која во Литванија го обезбеди четвртото место што е историскиот успех за македонската кошарка.
Покрај Антиќ и Мекејлеб во идеалната петорка се вметнати и Јон Стефансон од Исланд, Адам Ханга од Унгарија и Мирза Телетовиќ од БиХ.